Қытайдың Ханжчоу қаласында өтіп жатқан Азия пара ойындарында дзюдошы Ерғали Шамей жеңімпаз атанды, деп хабарлайды Kazinform.
Әлем чемпионы Ерғали Шамей J1 санаты бойынша 73 келіге дейінгі салмақта финалда тағы бір қазақстандық Аслан Нұрдәулетовпен чемпиондық атаққа таласты.
Е.Шамей А.Нұрдәулетовтен 10:0 есебімен айласын асырды. Асланға күміс жүлде бұйырды.
Осылайша, пара дзюдодан Қазақстан қоржынына екінші алтын түсті.
Еске сала кетейік, бұдан бұрын параспортшы Ақмарал Науатбектің Азиада чемпионы атанғанын жазған болатынбыз.
Сондай-ақ Давид Дегтярев Қазақстан қоржынына тағы бір алтынды салды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).