ҚР Президенті Әкімшілігінің келісімі бойынша облыс әкімі Нұрдәулет Қилыбайдың өкімімен Ерғали Скендиров аудан әкімі лауазымына тағайындалды.
Ерғали Сисенғалиұлы 1983 жылы Маңғыстау облысы Маңғыстау ауданының Шетпе ауылында дүниеге келген. 2006 жылы «Тұран-Астана» университетін «Құқықтану» мамандығы бойынша тәмамдаған.
Еңбек жолын 2007 жылы «Резерв» мемлекеттік республикалық кәсіпорнының «Автоматика» филиалында өндірістік-пайдалану бөлімінің бастығы қызметінен бастаған.
Әр жылдары «Нұр Отан» партиясының Маңғыстау облыстық филиалында заңгер-кеңесші, партиялық бақылау жөніндегі инспектор, Өмірзақ ауылы әкімінің орынбасары, Ақтау қалалық тұрғын үй-коммуналдық шаруашылығы бөлімінің басшысы қызметтерін атқарған.
Сондай-ақ «БозашыТрансҚұрылыс» ЖШС-де әлеуметтік мәселелер бойынша маман, Ақтау қалалық сайлау комиссиясының төрағасы, Маңғыстау облысының индустриалдық-инновациялық даму басқармасында бас маман болып жұмыс істеді.
2025 жылғы шілдеден бастап осы уақытқа дейін Ақтау қаласы әкімінің орынбасары қызметін атқарып келді.
Бұған дейін Маңғыстауда Түпқараған ауданына әкімі тағайындалған болатын.