АСТАНА. ҚазАқпарат – Қазақстандық Санжар Досжанов (70 келі) еркін күрестен Азия чемпионы атанды, деп хабарлайды ҚазАқпарат тілшісі.
Қазақстандық балуан финалда өзбекстандық Зафарбек Тихоновпен шеберлік байқасты.
Алғашқы сәттен Санжар қарсыласына қарсы шабуылға шықты. Әдіс-тәсілді қолдануға тырысты. Нәтижесінде осындай әдісі арқылы екі ұпайға қол жеткізді.
Осылайша ол қарсыласынан 2:0 есебімен басым түсіп, Азия чемпионы атанды.
Санжар Досжанов алдымен Оңтүстік Корея өкілі Пак Су Хенді қапы қалдырса, одан кейін қырғызстандық Орозобек Токтомамбетовті, Мортеза Гиасиді жеңді. Финалдағы қарсыласы - өзбекстандық Зафарбек Атахунов.
Енді ел құрамасынан Болат Сақаев (79 келі) финалда белдеседі.
Ал Мұхтар Санжар (65 келі), Бекзат Үркімбай (97 келі) 3-орын үшін сайысқа түседі.
Қазірге дейін ел құрамасынан Рахат Қалжан (57 келі) қола медаль алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.