НҰР-СҰЛТАН. ҚазАқпара - Бүгін күрес түрлерінен елордада өтіп жатқан әлем чемпионатында Әлішер Ерғали Токио Олимпиадасына жолдама жеңіп алды, деп хабарлайды ҚазАқпарат тіліші.
97 келі салмақта ел намысын қорғап жатқан балуанымыз ширек финалда моңғолиялық қарсыласын 10:0 есебімен, мерзімінен бұрын жеңіп, жартылай финалға шықты. Осылайша, жүлделі орындарға таласу мүмкіндігімен қатар 2020 жылғы Олимпиада ойындарының жолдама алды.
Естеріңізге сала кетейік, осыған дейін 74 келіде белдескен Данияр Қайсанов Олимпиадаға жолдама жеңіп алғанын жазған болатынбыз.
Бұл еркін күрес шеберлері жеңіп алған төртінші Олимпиада жолдамасы. Бұған дейін Данияр Қайсановтан бөлек, Нұрислам Санаев және Дәулет Ниязбеков лицензияға қол жеткізді.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.