Еркін күрес, грек-рим және әйелдер күресінен Азия чемпионатына кімдер барады
АСТАНА. KAZINFORM - Бішкек қаласында 11-16 сәуір аралығында өтетін күрес түрлерінен ересектер арасындағы Азия чемпионатына қатысатын қазақстандық балуандар белгілі болды.
Құрлықтық додада еркін күрес, грек-рим және әйелдер күресінен барлығы 30 медаль медаль жиынтығы сарапқа салынады.
Азия чемпионаты 1979 жылдан бері тұрақты түрде өткізіліп келеді. Қазірге дейін қазақстандық балуандар 327 медаль еншілеген. Оның - 88-і алтын, 89-ы күміс, 150-і қола. Медаль саны жөнінен жалпыкомандалық есепте үшінші орында келеді.
Былтыр құрлықтық дода Астана қаласында өтті. Онда ел құрамасы 7 алтын, 4 күміс, 9 қола медаль алып, барлығы 20 жүлдені еншіледі.
Биыл Азия чемпионатында бақ сынайтын қазақстандық балуандардың тізімі:
Грек-рим күресінен
55 келіде - Кабдырахимов Нұрзат
60 келіде - Қабдунасаров Ғалым
63 келіде - Жарлыкасов Ержет
67 келіде - Аманбек Алматбек
72 келіде - Хапко Николай
77 келіде - Магомадов Ибрагим
82 келіде - Поливадов Евгений
87 келіде - Тұрсынов Нұрсұлтан
97 келіде - Мациев Иусуф
130 келіде - Шадукаев Мансур
Еркін күрестен
57 келіде - Қартбай Мейрамбек
61 келіде - Айтақын Асыл
65 келіде - Мұхтар Санжар
70 келіде - Аширов Меиржан
74 келіде - Талғат Сырбаз
79 келіде - Өміржанов Азамат
86 келіде - Дәулетбеков Азамат
92 келіде - Давлумбаев Адлет
97 келіде - Айтмұхан Ризабек
125 келіде - Совет Абылай
Әйелдер күресінен
50 келіде - Жәнібекова Ирина
53 келіде - Маркашева Аяжан
55 келіде - Яхьярова Зульфия
57 келіде - Алмағанбетова Лаура
59 келіде - Каюмова Диана
62 келіде - Дүбек Тыныс
65 келіде - Казюлина Ирина
68 келіде - Бақбергенова Мәдина
72 келіде - Панасович Анастасия
76 келіде - Сыздықова Элмира
Азия чемпионатынан кейін 19-21 сәуірде Бішкек қаласында құрлықтық іріктеу турнирі болады. Оған еліміздің атынан 5 балуан қатыса алады.
«Айта кетсек, Олимпада бағдарламасына 6 салмақ енгізілген. Ал, Азия аймақтық іріктеу турниріне еліміздің атынан әйелдер күресінде 6, еркін және грек-рим күрестерінен 5 балуан барады. Оған баратын балуандар Қазақстан біріншілігі мен одан кейінгі жарыстарда іріктеледі», - деді Kazinform тілшісінің сұрағына берген жауабында Қазақстан күрес түрлері федерациясының баспасөз хатшысы Аспандияр Есенжолов.
Әзірге күрес түрлерінен ел құрамасының еншісінде 2024 жылғы Париж Олимпиадасына 2 жолдама бар. Оның біріне еркін күрестен Азамат Дәулетбеков ((86 келі) қол жеткізсе, тағы біреуі грек-рим күресінен Нұрсұлтан Тұрсыновтың (87 келі) еншісіне бұйырды.