АСТАНА. KAZINFORM — Вьетнамның Вунгтау қаласында Еркін күрестен 23 жасқа дейінгілер арасында Азия чемпионаты аяқталды.
Құрлықтық додада қазақстандық балуандар 1 алтын, 3 күміс, 3 қола медаль иеленді.
Нәтижесінде жалпы командалық есепте Үндістаннан кейін екінші орынға тұрақтады. Үздік үштікті Өзбекстан түйіндеді.
Ел құрамасынан Маис Алиев (70 келі) чемпион атағын жеңіп алды.
Күміс медальға Мерей Базарбаев (61 келі), Елнар Шілдебай (86 келі), Нұрдәулет Бекенов (97 келі) ие болса, Нұрдәулет Сейілбеков (74 келі), Асхаб Хаджиев (79 келі), Әлімжан Сәлімжан (125 келі) үздік үштікті түйіндеді.
Биыл құрлықтық додаға еркін күрес бойынша 13 мемлекеттен 80 спортшы қатысты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.