АСТАНА. ҚазАқпарат - Франциялық Стефани Фраппар ерлер арасындағы футболдан әлем чемпионатында бас төреші қызметін атқаратын алғашқы әйел атанады, деп хабарлайды ҚазАқпарат тілшісі.
Ол 1 желтоқсанда Е тобындағы үшінші турда Германия және Коста-Рика кездесуіне төрешілік жасайды. Оған мексикалық Карен Диас пен бразилиялық Неуза Бакк әйел төрешілер алаң жиегінде көмекші болады.
Стефани Фраппар 1993 жылы дүниеге келген. 2011 жылдан бері төрешілік қызметін атқарып келеді. 2019 жылы Францияда өткен әйелдер арасындағы АҚШ пен Нидерланды ойынында төреші болды.
Е тобында екінші турдан кейін Испания (төрт ұпай) көш бастап тұрса, Жапония мен Коста‑Рика еншісінде үш ұпайдан бар. Ал Германия бір ұпаймен көш соңында келеді.
Әлем чемпионатына одан өзге Салима Мукасанга (Руанда) және Йошими Ямасита (Жапония) сынды әйел төрешілер келді.
Өз тарихында 22 мәрте жалауын көтерген дүбірлі додада барлығы 36 төреші қызмет етуде.
Сурет: Fifa.com
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.