АЛМАТЫ. ҚазАқпарат – Ертең Алмалы ауданында бір күн суық су болмайды. Бұл туралы «Алматы су» мемлекеттік коммуналдық кәсіпорнының баспасөз қызметі мәлім етті, деп хабарлайды ҚазАқпарат тілшісі.
Кәсіпорынның мәліметінше, сумен жабдықтау желілеріндегі жоспарлы жұмыстарға байланысты бірқатар тұрғын үй мен ғимараттар суық судан ажыратылады.
«8 маусым күні таңғы сағат 9:00-ден кешкі сағат 20:00-ге дейін Тілендиев – Райымбек – Розыбақиев – Дүйсенов көшелерінің бойында орналасқан тұрғын үйлер мен өзге де ғимараттарға суық су беру уақытша тоқтатылады», - делінген хабарламада.
«Алматы су» мекемесі уақытша қолайсыздыққа түсіністікпен қарауды өтінеді.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.