Ертең ҚР Президентінің кезектен тыс сайлауындағы ақпараттық дауларды қарау жөніндегі Қоғамдық Кеңестің алғашқы отырысы өтеді

Бұл туралы бүгін Орталық сайлау комиссиясының кезекті отырысында аталмыш комиссия төрағасы Қуандық Тұрғанқұлов мәлім етті.

Оның сөзіне қарағанда, аталмыш Қоғамдық Кеңес биылғы жылдың наурыз айының 1-і күні Орталық сайлау комиссиясы төрағасының шешімі негізінде 3 сәуірге тағайындалған кезектен тыс Президент сайлауындағы ақпараттық дауларды шешу мақсатында құрылған. Аталмыш қоғамдық кеңестің құрамына ОСК мен Байланыс және ақпарат министрлігінің, Әділет министрлігінің және бұқаралық ақпарат құралдарының өкілдері кіріп отыр. Кеңес сайлауалды үгіт науқаны барысында орын алған ақпараттық дауларды алқа отырысында қарап, шешеді және ол ОСК жанындағы консультативті кеңес беруші орган болып есептеледі. «Кеңестің негізі мақсаты -Президенттікке кандидаттардың ақпарат құралдарына қолжетімділігін теңдей қамтамасыз етіп, сайлауалды үгіт жұмыстарының ақпарат құралдарында объективті бақылау болып табылады», - деді Қ.Тұрғанқұлов.

Бұдан бұрын хабарлағанымыздай, Қоғамдық Кеңестің төрайымы болып ҚР Орталық сайлау комиссиясының мүшесі Ләззат Сүлеймен тағайындалды. Қоғамдық кеңестің құрамына төрайымнан басқа сегіз адам кіріп отыр. Олар: ҚР Байланыс және ақпарат министрлігі Ақпарат және мұрағат комитетінің төрағасы Болат Берсебаев, «Егемен Қазақстан» республикалық газеті» АҚ президенті Сауытбек Абдрахманов, «Айқын газеті» ЖШС бас редакторы Нұртөре Жүсіп, «7 Арна» телеарнасының Байқаушылар кеңесінің төрайымы Бибігүл Жексенбай, «Бас редакторлар клубы» Қоғамдық бірлестігінің вице-президенті Мірболат Күнбаев, «Казахстанская правда» республикалық газеті» АҚ басқарма төрағасы Александр Тараков, ҚР Орталық сайлау комиссиясы аппараты заң бөлімінің меңгерушісі Арман Қапесов және ҚР Әділет министрлігі Ішкі әкімшілік департаментінің директоры Евгения Холмецкая.

Қоғамдық Кеңес сайлау алдындағы үгітті жүзеге асыру кезінде туын­дай­тын ақпараттық дауларды алқалы қа­рау үшін құрылды және Қазақстан Республикасы Орталық сайлау ко­мис­сиясының жанындағы консуль­та­тив­тік-кеңесші орган болып табылады.

Қоғамдық Кеңес өз қызметінде Қазақстан Республикасының Консти­ту­ция­сын, «Қазақстан Республика­сын­дағы сайлау туралы» Қазақстан Республикасының Конституциялық Заңын, «Бұқаралық ақпарат құрал­да­ры туралы» Қазақстан Респуб­ли­ка­сының Заңын, сондай-ақ өзге де нормативтік құқықтық актілерді және осы Ережені басшылыққа алады.

Барлық сайлау процесіне қа­ты­су­шылардың бұқаралық ақпарат құ­рал­дарына тең қол жет­кізуін қамтамасыз етуге және сай­лау алдындағы науқан барысын БАҚ-та объективті жария етуге жәрдемдесу; БАҚ және олардың қызметкер­лері­нің сайлау процесіне қатысушы­лар­мен өзара қарым-қатынастардағы мүд­делері мен заңды құқықтарын қорғау; БАҚ қызметінде этика нор­ма­ла­ры мен кәсіби принциптердің сақ­та­луына ықпал ету, сайлау процесіне қа­тысушылар мен БАҚ арасындағы дауларды және өзге де жағдайларды шешуге қатысу Қоғамдық Кеңестің негізгі міндеттері болып табылады.

Қоғамдық Кеңестің құзыретіне сайлау процесіне қатысушылардың қызметі мен олардың сайлау науқаны уақытында сайлау заңнамасын сақ­тауы туралы өтініштерді қарау және олар бойынша шешімдер қабылдау кіреді.

Қоғамдық Кеңес өз құзы­ре­ті­нің шегінде: орталық атқарушы және басқа да мемлекеттік органдармен, ұйым­дармен, қоғамдық бірлестіктермен өзара іс-қимыл жасауға; Ортсайлаукомға ақпараттық дауларды шешу жөнінде ұсыныстар мен ұсынымдар енгізуге; заңнамада белгіленген тәртіп­пен азаматтардан және қоғамдық бірлестіктерден, мемлекеттік органдар мен басқа да ұйымдардан Қоғамдық Ке­ңестің міндеттерін іске асыру үшін қажетті материалдарды сұратуға және алуға; өз отырыстарында сайлау процесіне қатысушыларды, мемлекеттік органдардың лауазымды адамдарын, БАҚ өкілдерін сайлау туралы заңна­ма­ның талаптарын сақтауы жөнінде тыңдауға; сайлау алдындағы кезеңде БАҚ-қа ұйымдастырушылық-әдісте­ме­лік, ақпараттық және өзге де кө­мек­ті көрсетуге;өз қызметіне сарапшылар мен мамандарды тартуға; Қоғамдық Кеңестің қызметі туралы материалдарды Ортсайлау­ком­ның ресми web-сайтында жария­лау­ға құқылы.

Қоғамдық Кеңес отырыстарын оның төрағасын сайлау науқаны кезе­ңінде қажеттілік шамасына қарай ша­қырады.

Қоғамдық Кеңес отырыстары Қо­ғамдық Кеңес мүшелерінің жалпы санының үштен екісі болған кезде заңды.

Қоғамдық Кеңестің шешімдері қатысып отырған Қоғамдық Кеңес мүшелерінің жалпы санының көп­ші­лік дауысымен қабылданады және ұсы­нымдық сипатта болады.

Қоғамдық Кеңестің шешімдері жұртшылықтың назарына материал­дар­ды БАҚ-та жариялау немесе Орт­сайлаукомның ресми web-сайтында орналастыру арқылы жеткізіледі.

Қоғамдық Кеңес төрағасы Қоғам­дық Кеңестің шешімдеріне және бас­қа да құжаттарына қол қояды, оты­рысқа енгізілетін мәселелерді айқын­дайды, өзге де ұйымдастырушылық-өкімгерлік функцияларды орын­дайды.

Қоғамдық Кеңес төрағасы болмаған кезеңде отырыстарда оның тапсыруы бойынша Қоғамдық Кеңес мүшелерінің біреуі төрағалық етеді.

Қоғамдық Кеңес қызметін ұйымдастырушылық және ақпарат­тық қамтамасыз етуді Ортсай­лау­ком­ның аппараты жүзеге асырады.