ТАШКЕНТ. KAZINFORM – Мемлекет басшысы Қасым-Жомарт Тоқаевтың шақыруымен Өзбекстан президенті Шавкат Мирзиёев 29 шілдеде жұмыс сапарымен Қазақстанға келеді, деп хабарлайды Kazinform агенттігінің меншікті тілшісі.
Өзбекстан басшысының баспасөз қызметінен мәлім еткендей, Шавкат Мирзиёев Астанада өтетін “Болашақ ойындары” халықаралық турнирінің салтанатты ашылу рәсіміне қатысады.
29 шілде мен 9 тамыз аралығында өтетін сайыста Өзбекстан спортшылары да бақ сынайды.
Бұған дейін “Болашақ ойындарына” 20 мың турист келетінін жазып едік.
Сонымен қатар “Болашақ ойындары” турнирінің жүлде қоры туралы материал жариялаған болатынбыз.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.