«Ертіс орманы» мемлекеттік орман табиғи резерватының аумағында жүргізіліп жатқан биоалуантүрлілікті зерттеу және мониторинг жұмыстары барысында сүйіртұмсық көлбақа (Rana arvalis) тіркелді.
Бұл — Қазақстанның орманды және орманды-дала аймақтарында кездесетін қосмекенділердің бірі. Сүйіртұмсық көлбақасы көбіне ылғалды шалғындарда, су айдындарының маңында, орман шеттерінде және батпақты жерлерге жақын аумақтарда мекендейді.
— Резерват аумағында жануарлар дүниесін тұрақты бақылау барысында әртүрлі омыртқалы жануарлардың түрлік құрамын анықтау жұмыстары жүргізіледі. Осындай бақылаулар табиғи экожүйелердің жағдайын бағалауға және биоалуантүрлілікті толық зерттеуге мүмкіндік береді.
Әрбір жаңа тіркелген түр — резерват табиғатының қаншалықты алуан түрлі екенін көрсететін маңызды дерек, — деп атап өтті резерваттан.
Еске сала кетейік, Ертіс орманында сирек кездесетін түйесіңір өсімдігі табылды.