Оқиға 13 маусым күні Семей қаласында тіркелген.
Құтқарушылар моторы істен шыққан қайықты Ертіс өзенінде ағыс бойымен 7 шақырым төмен қарай жылжыған жерден тапқан. Қайықтың ішінде 1990 және 1987 жылы туған ерлі-зайыптылар болған.
Министрлік мәліметінше, азаматтар медициналық көмекке мұқтаж болмаған. Құтқарушылар оларды жағаға аман-есен жеткізіп, қайықты сүйреп шығарды.
Төтенше жағдайлар министрлігі су айдындарында қауіпсіздік ережелерін сақтауға шақырады.
Қозғалтқышты алдын ала тексеру, құтқару жилетін кию және ауа райы жағдайын ескеріп шығу – адамның өмірі мен денсаулығын сақтау үшін маңызды шаралар болып табылады.
Айта кетейік, тауға баратын туристер ТЖМ-ге онлайн хабар бере алады.