Шымкент қаласы әкімінің өкімімен қала әкімдігі аппаратының басшысы болып Ержан Сейтенов тағайындалды, деп хабарлайды ҚазАқпарат тілшісі.
Ержан Іргебайұлы 1974 жылы Қызылорда облысы Жаңақорған ауданында туған.
Қ.А.Ясауи атындағы Халықаралық қазақ-түрік университетінің түлегі, құқықтану магистрі.
Еңбек жолын 1990 жылы Жаңақорған темір-бетон конструкцияларын өндіретін кәсіпорында жұмысшы болып бастаған Ержан Іргебайұлы жеке секторда жауапты басшылық қызметтер атқарды.
2016-2021 жылдар аралығында Алматы қаласының жердің пайдаланылуы мен қорғалуын бақылау, жасыл экономика, тұрғын үй саясаты басқармаларының басшысы болды.
2021-2023 жылдары Алматы қаласы Алмалы ауданының әкімі лауазымында қызмет атқарды.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.