Есіл өзенінде жағажай маусымы ашылады

АСТАНА. ҚазАқпарат - 7  маусымда Астанада суға шомылу маусымы ашылады. Бұл туралы Астана қаласының орталық саябағының эксплуатация бөлімінің басшысы Ирина Масленка мәлімдеді, деп хабарлайды ҚазАқпарат Елорда Инфоға сілтеме жасап.  

«Жағажайда бес құтқарушы мен бір көлік жұмыс істейді, ол шомылушылардың қауіпсіздігін бақылайтын болады. Қалалық жағажайға шатырлар, қоғамдық дәретхана және тазартылған құмдар, сондай-ақ терең орындарға белгілер мен қоршаулар орнатылған», - деді ол.

Орталық саябақта орналасқан жағажайға кіру ақысы биыл өзгеріссіз қалды: билет құны ересектерге - 500 теңге, балалар үшін - 200 теңге, ал мүгедектер, зейнеткерлер мен жеті жасқа дейінгі балалар үшін тегін.

«Сонымен қатар, биыл саябақта отбасылық жағажай клубы ашылды. «Кешенде үш жүзу бассейні бар. Біріншісі - ең кіші, оның тереңдігі - 20 см. Екінші бассейннің тереңдігі - 1,5 м, ал ересектерге арналған үшінші бассейннің тереңдігі -  2,5 м. Ересектер үшін  билеттің бағасы - 5 000 тг, балалар үшін - 3 000 тг, үш жасқа дейінгі балалар тегін», - деді Ирина Масленко.

Айта кетерейік, «Қазгидрометтің» мәліметі бойынга, бейсенбі Астанада ауа- райы күндіз +28 градус, кешке +17 градус шамасында болады.