ОРАЛ. 16 қараша. ҚазАқпарат /Елжан Ералы/ - Алдын ала тергеу сатысында заңдылықтың сақталуына қадағалауды сапалы жүзеге асырудың нәтижесінде облыстық прокуратура ҚР ҚК 259-бабы,
3-бөлімі, «а,б» тармақтарына сәйкес (әлденеше рет, алдын ала сөз байласқан адамдар тобы жасаған, есiрткi заттарын өткiзу мақсатында сақтау) В.Илясовты және Е.Сурованы айыптау туралы қылмыстық істі сотқа жіберді.
Облыс прокуратурасының баспасөз қызметінен хабарлағанындай, қылмыстық қудалау органы аталған тұлғалардың биылғы маусым-шілде айларында Орал қаласының аумағында бірнеше рет есірткі заттарын өткізумен айналысқанын анықтады. Олардың пәтерін тінту барысында 132 грамм марихуана табылып, тәркіленді.
Дәлелдемелердің жеткілікті болуы ескеріліп, айыпталушылар ісі ҚР ҚК-нің аталған бабымен сотқа берілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).