Жамбыл облысы мен Алматы арасындағы есірткі арнасы тоқтатылды

АСТАНА. KAZINFORM – ҰҚК Жамбыл облысы және Алматы қаласы бойынша департаменттері прокуратура органдарының үйлестіруімен есірткі жеткізу арнасының жолын кесті.

Сот санкциясымен Қазақстан азаматы ұсталып, қамауға алынды. Одан 13 кг психотроптық «мефедрон» тәркіленді. 

Фото: ҰҚК

Қылмыстық кодекстің 297-бабының 3-бөлігі бойынша сотқа дейінгі тергеп-тексеру жүргізіліп жатыр.

Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды.

Есірткі контрабандасымен айналысты деген күдікті Ресейден экстрадицияланғанын жазған болатынбыз.