Эстонияда кейуана болып киініп қайыр сұрап жүрген жігіт ұсталды
16:46, 07 Маусым 2016
АСТАНА. ҚазАқпарат - Таллинде тіленшілер жүретін жерге рейд жүргізу кезінде жалған қайыршы анықталды. Кемпір болып киінген 18-25 жастағы жігіттің жұртқа алақан жайып жүргені белгілі болды. Бұл туралы қалалық полиция департаментінің сайтында хабарланды.
Полиция туристтер мен қала тұрғындарына қайыр тілейтіндердің кейбіреулері кедей емес екендігін, адал еңбегімен күн көретін азаматтардан әлдеқайда ауқатты болып шығатындығын ескертеді, деп хабарлады Delfi порталы.