ТАЛЛИН. ҚазАқпарат – Эстонияда бүгін парламент сайлауы өтіп жатыр, деп хабарлайды ҚазАқпарат Euronews-ке сілтеме жасап.
Алдын ала мәліметтер бойынша, премьер Кая Калластың билеуші реформалар партиясында сайлаушылар дауысының 28%-ын алуға үміт бар. Эстония консервативтік халықтық партиясының оңшыл популистері оған басты қарсылас болып тұр, олардың үміті – 18%.
Айта кетсек, Қазақстан мен Эстония көлік және көлік-транзитінің әлеуетін арттыру, сондай-ақ ақпараттық технологиялар саласындағы әріптестік байланысты нығайтуға мүдделі. Бұл туралы Индустрия және инфрақұрылымдық даму министрлігінің баспасөз қызметі мәлім еткен болатын.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.