АСТАНА. ҚазАқпарат - Қазақ күресінен Алматыда өтіп жатқан «Еуразия Барысы» турниріне тұңғыш рет қатысып жатқан Жапония балуандары алғашқы айналымнан сүрінбей өтті, деп хабарлайды ҚазАқпарат тілшісі.
Жапониялықтар бірінші айналымда Түркиядан келген балуандарды 7:1 есебімен ұтып, келесі айналымға шықты.
Осылайша түрік балуандары жарыс жолынан шығып қалды. Осыған дейін, Камерун, Бразилия құрамасы қарсыластарынан ұтылған болатын.
Естеріңізге сала кетейік, осы турнирдің жеңімпазы атанған командаға он миллион теңге, екінші орын алған құрамаға алты миллион теңге және үшінші орын иеленген командаға төрт миллион теңге беріледі.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.