АЛМАТЫ. 20 ақпан. ҚазАқпарат - Еуразия даму банкінің инвестициялық қоржыны 2012 жылы 34 пайызға өсіп, 4 млрд. 593 млн. долларға жетті.
Бұл туралы бүгін жылдың қаржылық есебіне арналған Минск-Мәскеу-Алматы арасындағы телекөпірде айтылды.
«Былтыр банк активі 3 млрд. 884 млн. долларды құрады. Ол 2011 жылмен салыстырғанда 37 пайыз немесе 1 млрд. 46 млн. долларға өсті. Клиенттерге берілген қарыз көлемі 1 млрд. 890 млн. долларға дейін артты. Қарыз көлемінің өсімі 546 млн. долларды немесе 41 пайызды құрады. Ал таза табыс 12 млн. доллар көлемінде болды»,- деді Еуразия даму банкінің Басқарма төрағасы Игорь Финогенов. Оның айтуынша, жиынтық кіріс 29 млн. долларға жетті. Бұл алдыңғы жылмен салыстырғанда 77 пайызға жоғары.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).