АСТАНА. ҚазАқпарат - Футзалдан 19 жасқа дейінгі Қазақстан құрамасы 2023 жылғы Еуропа чемпионаты іріктеу сатысында Словениядан жеңіліп қалды, деп хабарлайды ҚазАқпарат тілшісі.
Аталған кездесуде қазақстандық футзалшылар қарсыласына 0:5 есебімен жол берді.
Оларға ұлттық құрама мен алматылық «Қайрат» командасының бас бапкері Пауло Рикардо Кака жетекшілік жасады.
Бұған дейінгі екі ойында қазақстандық футзалшылар Польшаға 2:3 есебімен жол берсе, одан кейін Молдовадан 5:2 есебімен тізе бүктірді.
Қазақстандық жастар өз тобында үшінші орынды місе тұтып, келесі сатыға берілетін жолдамадан құр қалды.
Аталған топта Словения бірінші орынмен жарысты жалғастыруға мүмкіндік алды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.