EURO 2024: 20 маусымда қай құрамалар ойнайды

АСТАНА. KAZINFORM — Футболдан 2024 жылғы Еуропа чемпионатының жетінші ойын күні, 20 маусымда үш ойын өтеді.

Ең алдымен 18:00–де C тобында Словения мен Сербия ойнайды. 

Кездесу Мюнхен қаласындағы «Альянц-арена» стадионында болады. 

Екі құрама бұған дейін төрт мәрте кездесті. Құрамалар бір-бірден жеңіске жетсе, екі кездесу тең нәтижемен аяқталды.

Бұл топтағы Дания мен Англия кездесуі 22:00–де өткізіледі.

Қазірге дейін құрамалар 22 ойын кездесіп, төртеуінде Дания, он үшінде Англия басым түссе, қалғанында тең нәтиже тіркелді.

Кездесу Франкфурт қаласындағы «Дойче Банк Парк» стадионында болады. 

Алғашқы турда Словения мен Дания 1:1 есебімен тең түссе, Сербия Англияға 0:1 есебімен есе жіберді.

Сондай-ақ Испания мен Италия кездесуі 00.00-ге белгіленген.

Ойын Гельзенкирхен қаласындағы «Фельтинс-Арена» стадионында өтеді. 

Алғашқы турда Испания Хорватияны 3:0, Италия Албанияны 2:1 есебімен тізе бүктірді. 

Құрамалар қазірге дейін 41 мәрте кездесіп, 14-і Испанияғ 11-і Италияның басымдығымен аяқталса, қалғанында тең нәтижеге қанағат білдірді.

Бұл топта 19 маусымда екінші турда Албания мен Хорватия 2:2 есебіне қанағат білдірді.

Көш басында үш ұпаймен Испания мен Италия келеді. Ал Албания мен Хорватияның еншісінде бір-бірден ұпай бар. 

Ойындардың бәрі Qazsport телеарнасынан тікелей эфирде көрсетіледі.

Айта кетсек, 19 маусымда екінші турда А тобында Германия Венгрияны 2:0 есебімен жеңсе, Шотландия мен Швейцария 1:1 есебімен тең ойнады.