АСТАНА. ҚазАқпарат - Наурыздың 28-інен 29-на қараған түні футболдан 2024 жылғы Еуропа чемпионатына іріктеу сатысы аясында 2-турдың үшінші ойын күні өтеді, деп хабарлайды ҚазАқпарат тілшісі.
Бұл күні A, D, I топтарында екінші тур ойындары өткізіледі.
Негізгі ойынның бірі А тобында Шотландия мен Испания құрамалары арасында болады. Испаниялық футболшылар алғашқы турда өз алаңында Норвегияны 3:0 есебімен тізе бүктірді. Ал Шотлания бірінші турда ойын өткізген жоқ.
Сондай-ақ, аталған топта Грузия - Норвегия құрамалары кездеседі.
Ал D тобында Уэльс - Латвия, Түркия - Хорватия, I тобында Косово - Андорра, Швейцария - Израиль, Румыния - Беларусь құрамалары ойнайды.
Еске салсақ, бұдан бұрын В тобында Франция қарсыласынан 1:0 есебімен басым түсті.
Сондай-ақ, 26 наурыза H тобында Қазақстан құрамасы Данияны 3:2 есебімен ұтты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.