АСТАНА. ҚазАқпарат - Футболдан 2024 жылғы Еуропа чемпионаты іріктеу сатысындағы Қазақстан құрамасының өз алаңындағы алдағы екі ойынының басталу уақыты белгілі болды, деп хабарлайды ҚазАқпарат тілшісі.
Қазақстандық футболшылар H тобында сынға түседі. Қарсыластары - Словения, Дания, Солтүстік Ирландия, Финляндия, Сан-Марино.
Ел құрамасы 23 наурызда елордада жергілікті уақытпен 21:00-де Словения құрамасын қабылдайды.
Ал 26 наурызда елордада жергілікті уақытпен 19:00-де Даниямен шеберлік байқасады.
Екі ойын да «Астана Арена» стадионында өткізіледі.
Құрлықтық доданың финалы 2024 жылдың 14 маусым және 14 шілде аралығында Германияда өткізіледі.
Онда барлығы 24 құрама бақ сынайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.