АСТАНА. KAZINFORM - Бүгін футболдан 21 жасқа дейінгі Қазақстан жастар құрамасы 2025 жылғы Еуропа чемпионаты іріктеу сатысында сырт алаңда Шотландиямен кездесті.
Қазақстандық футболшылар В тобында сынға түседі. Қарсыластары - Испания, Шотландия, Бельгия, Венгрия және Мальта құрамалары.
Кездесу барысында венгриялық футболшылар сауатты ойнай білді. Ойында қорғаныс шебінде лайықты тойтарыс беріп, шабуылда қақпаны дәл көздей алды.
Ойынның 34-минутында венгриялық Марк Кошновский есеп ашса, Ботонд Вайда 46, Агостон Беньей 93-минутта мергендігімен көзге түсті.
Осылайша қазақстандық жастар қарсыласына 0:3 есебімен жол берді.
Қазірге дейін ел құрамасы бес ойын өткізіп үлгерді. Оның ішінде Венгрияға 0:2, Бельгияға 0:1, Испанияға 0:4 есебімен жол берді.
Одан кейін Мальтаны 2:0 есебімен тізе бүктірсе, Шотландияға 1:4 есебімен есе жіберді.
Енді қазақстандық футболшылар алдағы ойындарын 5 қыркүйекте Мальта, 10 қыркүйекте Бельгия құрамаларына қарсы өткізеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.