АСТАНА. KAZINFORM — Футболдан Қазақстан 17 жасқа дейінгі қыздар құрамасы 2025 жылғы Еуропа чемпионаты іріктеу кезеңіндегі алғашқы ойынында Эстониямен тең түсті.
Қездесу барысында эстониялық Грете Гросс 8-минутта есеп ашқан еді. Одан кейін қазақстандық Данагүл Ахметжан 21, Ару Ермағамбетова 31-минутта екі гол соғып, өз құрамасын алға шығарды. Ал 52-минутта эстониялық Елизавета Юзанинова соққан гол қорытынды есепті белгіледі.
Осылайша қос қарсылас 2:2 есебіне қанағат білдіріп тарасты.
Енді қазақстандық футболшылар алдағы ойынын 20 наурызда Солтүстік Ирландияға қарсы өткізсе, одан кейіін 23 наурызда Черногориямен ойнайды.
Еске салсақ, Бақтиер Зайнутдинов футболдан Қазақстан ұлттық құрамасының алдағы екі ойынына қатыспайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.