АСТАНА. KAZINFORM - Футболдан Қазақстан 17 жасқа дейінгі қыздар құрамасы 2026 жылғы Еуропа чемпионаты іріктеу кезеңінде Босния және Герцоговинамен тең ойнады.
Отандастарымыз бұл кездесуде өз қақпасына гол жіберген жоқ. Осылайша екі турдан кейін төрт ұпай жинаған қазақстандық футболшылар B3 тобында көш басында келеді. Олар бірінші турда Грузияны 4:2 есебімен тізе бүктірген еді.
Енді отандастарымыз 30 қазанда Латвияға қарсы ойын өткізеді. Бірінші орын алған құрама А лигасына жолдамаға қол жеткізеді. Жарыстың бұл кезеңі 2026 жылдың көктем мезгіліне белгіленген.
Финалдық кезеңі сол жылдың мамыр айында Солтүстік Ирландияда 3-16 мамыр аралығында өтеді деп жоспарланып отыр.
Еске салсақ, бұдан бұрын футболдан Қазақстан ұлттық құрамасының бас бапкері міндетін уақытша атқарушы Талғат Байсуфинов қараша айында өтетін екі кездесуге шақырылған ойыншылардың кеңейтілген тізімін жариялады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.