EURО-2027: Футболдан Қазақстан жастар құрамасына кімдер шақырылды

АСТАНА. KAZINFORM — Футболдан 21 жасқа дейінгі жастар арасында 2027 жылғы Еуропа чемпионатының іріктеу кезеңіндегі алғашқы ойынға шақырылған ойыншылар тізімі белгілі болды.

Қазақстандық жастар құрлықтық додадағы алғашқы ойынын Андорра жастар құрамасына қарсы өткізеді. Матч 5 маусымда елордадағы «Астана Арена» стадионында өтеді. Басталуы 19:30–ға белгіленген. 

Олар D тобында сынға түседі. Қарсыластары — Англия, Ирландия, Словакия, Молдова және Андорра.

Команданың оқу-жаттығу жиыны 1 маусымда Астанада басталады. Тізімге 25 футболшы енгізілген.

Ойыншылар тізімі төмендегіше:

Қақпашылар: Санжар Ерниязов («Атырау»), Дулат Талыспаев («Кёге»), Мирас Рихард («Ертіс»)

Қорғаушылар: Сұлтан Асқаров, Рамазан Кәрімов (екеуі де — «Жетысу»), Санжар Әнуаров («Астана»), Александр Мигунов, Эльхан Саидов (екеуі де — «Шахтер»), Әли Тұрғанов («Оңтүстік Академиясы»), Александр Мрынский («Қайрат»), Әлихан Серікбай («Каспий»);

Жартылай қорғаушылар: Әбинұр Нұрымбет («Тұран»), Вячеслав Раскатов («Ертіс»), Дархан Бердібек («Ақтөбе»), Мирас Көбеев («Ислочь», Беларусь), Олжас Байбек, Рамазан Бағдат (екеуі де — «Қайрат»), Нұралы Жақсылық («Астана»), Мұхаммед Еңсебаев («Сеута Б», Испания), Давид Есімбеков («Жетісу»), Хамза Мұхаметәли («AKAS»);

Шабуылшылар: Глеб Валгушев («Қызылжар»), Ян Труфанов («Атырау»), Мағжан Тоқтыбай («Оңтүстік Академиясы»), Артем Литош («Хан-Тәңірі»).

Еске салсақ, футболдан Қазақстан әйелдер құрамасы Қырғызстанмен алғашқы жолдастық кездесуде жеңіске жетті.