Еурокомиссия фермерлерді шұғыл қолдауға қосымша қаражат бөледі

АСТАНА. KAZINFORM – Бүгін Еуропалық комиссия жақында қолайсыз климаттық құбылыстардан зардап шеккен Аустрия, Чехия, Польша және Португалиядағы жеміс-жидек, көкөніс және шарап өндіру секторында жұмыс істейтін фермерлерді қолдау үшін ауылшаруашылық қордан 77 млн еуро жұмылдыруды ұсынды.

ЕО-ға мүше мемлекеттер қабылдаған Еурокомиссияның ұсыныстары Аустрияға 10 млн еуро, Чехияға 15 млн еуро, Польшаға 37 млн еуро және Португалияға 15 млн еуро бөледі. 

Ауыл шаруашылығы жөніндегі Еуропалық комиссар Януш Войцеховский "осы төтенше қолдаудың көмегімен Еуропалық комиссия Аустрия, Чехия, Польша және Португалиядағы фермерлерімізге өте қажет көмек көрсететінін» айтты. Бұл фермерлер бастан өткерген үлкен климаттық және нарықтық күйзелістер барған сайын ауыр және болжанбайтын дағдарыстар жағдайында тұрақтылықты нығайту үшін бюджеттегі күшті ауылшаруашылық резервінің маңыздылығын тағы бір рет танытып отыр".

«Фермерлеріміздің тұрақтылығы – қоғамымыздың тұрақтылық негізі. Сондықтан қазір және болашақта Еурокомиссия қиын кезеңдерде олардың жанынан табылады», - деді Я.Войцеховский.