АСТАНА. ҚазАқпарат – Германия Еуроодақтың іштен жанатын қозғалтқышқа қатысты талапты жұмсартуына қолжеткізді, деп хабарлайды ҚазАқпарат Еuronews-ке сілтеме жасап.
Брюссель іштен жанатын қозғалтқышты автокөліктерді 2035 жылдан кейін де тіркеуге қоюға рұқсат берді, бірақ олар жаңа көміртекті-нейтралды синтетикалық отынмен жүруі шарт.
Наурыздың басында ірі өнеркәсіпке ие Германия келесі онжылдықтың ортасына қарай іштен жанатын қозғалтқышты жаңа автокөліктер мен фургондар сатылымына тыйым салу туралы қаулыны блокқа қойды.
Берлин электр отынымен жүретін автомобильдерді бөліп қарау керектігін талап етті. Олардың баламалы қуат көздерін пайдалану арқылы жасалып, өнеркәсіп қызметі нәтижесінде түзілетін көмірқышқыл газын тұтып қалатынына қарай көміртекті-нейтралды екенін алға тартты.
Қазір мұндай отынды премиум-класс автокөліктерін шығарушы неміс пен италиян компаниялары насихаттап жүр.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.