Венгрия және Қазақстан құрамалары құрлықтық доданың іріктеу сатысындағы алғашқы ойынын өткізді.
Кездесу барысында қос құрама бірден шабуылға шыққан еді. Алғашқы минуттарда алаң иелерінің белсенділігі байқалып тұрды.
Нәтижесінде ойынның 10-минутында венгриялық Матьяш Ковач көздеген нысанадан мүлт кеткен жоқ.
Ал 89-минутта олардың қатарынан Андреш Эрдёг есепті үстемелей түсті.
Айта кетсек, еліміздің жастар құрамасы В тобында сынға түседі. Қарсыластары - Венгрия, Бельгия, Испания, Мальта және Шотландия құрамалары.
Енді қазақстандық футболшылар 11 қыркүйекте сырт алаңда Бельгиямен шеберлік байқасса, 17 қазанда өз алаңында Испанияны қабылдайды.
Қалған ойындар 2024 жылдың наурыз-қазан айлары аралығында өткізіледі.
Еске салсақ, бұдан бұрын 2024 жылғы Еуропа чемпионатына іріктеу сатысында Қазақстан құрамасы Финляндиядан ұтылған еді.