АЛМАТЫ. ҚазАқпарат - Алматыда жергілікті «Қайрат» футболдан Еуропа лигасының үшінші іріктеу кезеңінде Чехияның «Сигма» командасын қабылдап, олардан 0:1 есебімен жеңіліп жатыр, деп хабарлайды ҚазАқпарат тілшісі.
Чехияда өткен алғашқы кездесуде «Қайрат» қарсыласынан 0:2 есебімен ұтылып қалған еді. Сондықтан қазіргі сәтте алматылық клуб жарысты жалғастырудан шет қалып тұр
Негізі ойында «Қайраттың» басымдығы байқалады. Десе де жиі шабуылды голға айналдыруға сәттілік жетіспей жатқан секілді. «Қайрат» алдағы жарысты жалғастыруы үшін төрт гол соғуы тиіс.
Бүгінгі кездесуде «Қайраттың» жолы болып, жарыстың плей-офф сатысына шығып жатса, оларға Испанияның «Севилья» немесе Литваның «Жальгирис» командасы қарсылас атануы мүмкін.
Айта кетерлігі, Испан клубы бүгін сырт алаңда Литваның Вильнюс қаласының «Жальгирисімен» шеберлік байқасады. Алғашқы ойын 1:0 есебімен «Севильяның» басымдығымен аяқталған еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.