АСТАНА. ҚазАқпарат - Қазір футболдан Еуропа лигасы екінші іріктеу кезеңінің қарымта ойындары өтіп жатыр. Алматының «Қайрат» командасы сырт алаңда Голландияның «АЗ Алкмаарымен» бірінші кезеңнен кейін 1:1 есебімен тең түсті, деп хабарлайды ҚазАқпарат тілшісі.
Ойынның бастапқы кезеңінде алаң иелерінің басымдығы айқын аңғарылып тұрды. Біздің жігіттер негізінен қорғанысқа көңіл бөліп жатты. Бұл алғашқы 20-минутқа дейін көрініс беріп тұрды. «Қайрат» жігіттері өзінің айып алаңында жүруге мәжбүр болды.
Ойынның 28-минутында алаң иелері қақпасына пенальти белгіленді. Оны «Қайраттың» капитаны Бауыржан Исламхан мүлтіксіз орындады. Ал 42-минутта голландиялық Гус Тиль таразы басын теңестірді. Дәл қазіргі есеппен «Қайрат» жарысты жалғастыруға жақын тұр. Алматылық клуб өз алаңында аталған қарсыласын 2:0 есебімен тізе бүктірген еді.
Бұл жұптың жеңімпазы Еуропа лигасының үшінші іріктеу кезеңінде 7 -14 тамыз күндері Чехияның «Сигма» командасымен кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.