НҰР-СҰЛТАН. ҚазАқпарат - Дәл қазір қазақстандық «Қайсар» UEFA Еуропа лигасы екінші іріктеу сатысында Кипрдің АПОЭЛ клубымен кездесіп жатыр, деп хабарлайды ҚазАқпарат тілшісі.
Ойын Шымкент қаласындағы Қажымұқан Мұңайтпасов атындағы стадионда өткізілуде. Жеңімпаз бір ғана ойыннан анықталады.
Бірінші кезеңнен кейін «Қайсар» қарсыласынан 1:2 есебімен жеңілуде.
Алдымен 6-минутта «Қайсар» сапынан Элгуджа Лобжанидзе есеп ашқан болатын. Оған 15-минутта АПОЭЛ футболшысы Де Винсенти Томас бір голмен жауап қайырды. Ал 25-минутта кипрлік команда құрамынан Тухами Ануар өз командасын алға шығарды.
Кипрлік команда жылма-жыл еурокубок ойындарында ойын көрсетіп келеді. Клуб 1926 жылы ел астанасы – Никосия қаласында құрылған. Содан бері 28 мәрте чемпиондық атаққа қол жеткізді.
Сондай-ақ, бүгін елордалық «Астана» Алматы қаласында Черногорияның «Будучность» командасын қабылдаса, «Қайрат» Израильде жергілікті «Маккаби» (Хайфа) клубымен шеберлік байқасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.