00:28, 13 Сәуір 2023

Еуропа лигасы ширек финалындағы алғашқы ойындар өтеді

АСТАНА. ҚазАқпарат - Бүгін футболдан UEFA Еуропа лигасы ширек финалындағы алғашқы ойындар өтеді, деп хабарлайды ҚазАқпарат тілшісі.

Жарыстың аталған сатысындағы негізгі ойынның бірі «Манчестер Юнайтед» (Англия) - «Севилья» (Испания) командалары арасында өтеді.

Аталған кездесу елорда уақытымен 00:50-де басталып, «Qazsport» телеарнасынан тікелей эфирде көрсетіледі.

Екі команда өз тарихында бір-бірімен тұңғыш мәрте кездесіп отыр.

Турнирдің 1/8 финалында «Манчестер Юнайтед» Испанияның «Реал Бетис» командасын сүріндірсе, «Севилья» Түркияның «Фенербахчесін» қапы қалдырды.

Сондай-ақ, елорда уақытымен 00:50-де «Ювентус» (Италия) - «Спортинг Лиссабон» (Португалия) кездесуі «Qazaqstan» телеарнасынан тікелей эфирде көрсетіледі.

Оған қоса жарыстың аталған сатысында «Байер» (Германия) - «Юнион Сен-Жилуаз» (Бельгия), «Фейеноорд» (Нидерланд) пен «Рома» (ИТалия) командалары шеберлік байқасады.

Қарымта кездесі 20 сәуірге белгіленген.

Еуропа Спорт Футбол

Әділжан Үмбет

1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді. 2015-2020 жылдарда «Ақмешіт апталығы» газетінің бас редакторы болды. Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті. 2018 жылдан бері «Kazinform» ақпарат агенттігінде Қызылорда облысындағы меншікті тілші.