Еуропалық Одақ Газада гуманитарлық үзіліс жариялауға шақырды
04:23, 13 Қараша 2023
Еуропалық Одақ Газада гуманитарлық үзіліс жариялауға шақырды. Бұл туралы ЕО-ның сыртқы саясат және қауіпсіздік жөніндегі Жоғарғы өкілі Джозеп Боррель мәлімдеді, деп хабарлайды Kazinform агенттігі Trend.az-ға сілтеме жасап.
Мәлімдемеде ЕО Газадағы тереңдетілген гуманитарлық дағдарысқа қатты алаңдайтынын атап өтті.
«ЕО соғыс қимылдарын дереу тоқтатуға және гуманитарлық дәліздерді құруға шақырады», — деді ЕО Жоғарғы өкілі.
Айта кетейік, 7 қазанда Израильге тұтқиылдан шабуыл жасалды. Газа секторының аумағынан реактивті снарядтармен жаппай атқылау басталып кетті. Израиль Газа секторының жаппай зымырандық шабуылынан кейін елде соғыс жағдайын жариялады.