Еуропаға ентелеген келімсектердің дені Ливия жағалауынан Италияға өтіп жатыр. Әсіресе, жанбағыс үшін жанталасқан африкалық жұмысшылардың қарасы қалың. Еуроодақ осы ағынды тежеуге ниетті.
«Өткен айда біз Еуропада бұрын-соңды болмаған көші-қон мәселелерін шешу үшін атқарылатын іс-шаралардың күшейтілгеніне қарамастан, қажетті нәтижеге жеткізе алмадық. Сондықтан да біз осы бес елде шекаралық бақылауды ұзартуды соңғы қатаң шара ретінде ұсынып отырмыз»,- дейді Ішкі істер және көші-қон мәселелері жөніндегі еуропалық комиссар Димитрис Аврамопулос.