«Евровидение» байқауының жүлдегері өмірден өтті

АСТАНА. ҚазАқпарат - Британдық әнші және бірқатар әндердің авторы Линсей де Пол 64 жасына қараған шағында миына қан құйылып, қайтыс болды, деп хабарлайды шетелдік БАҚ.

Де Пол орындаушылардың 1977 жылғы «Евровидение» байқауына Ұлыбританияның атынан қатысып, Rock Bottom композициясымен екінші орын алған еді. Әнші бес рет британдық чарттың ТОП-20-на енді. Сонымен бірге Линсей де Пол әндердің авторы ретінде Британияның Ivor Novello музыкалық марапатын алған бірінші әйел болды.