«EXPO 2017 Football Cup»: Манишенің сайыпқырандары Дино Баджоның командасын ойсырата жеңді
Италия командасы бұл жолғы турнирде екінші мәрте жеңіліске ұшырап отыр. Алғашқы матчта «Скуадра Адзурраның» футболшылары Ресейден 9:3 есебімен жеңілген болатын. Екінші матчта италиялықтар есесін қайтара алмады.
Аталған матчта Педру Мендеш үш голымен ерекшеленсе, Нуну Манише жауапсыз төрт гол салды. Сонымен бірге, Жозе Домингеш мен Фернанду Мейра дубль жасады.
Италиялықтар Стефано Эранионың бір голымен шектелді.
Еске сала кетсек, Астанадағы «Астана Арена» стадионында бүгін «EXPO 2017 Football Cup» турнирі өтіп жатыр. Футбол ардагерлері арасындағы турнирге Қазақстан, Ресей, Ресей, Италия, Германия, Португалия құрама командалары мен әлем құрамасы қатысуда. Қазақстан құрамасы алғашқы матчта Германияны тізе бүктіргенімен, Әлем құрамасынан жеңіліп қалды.