Онда жолаушылар бизнес-кластағы-16, эконом-кластағы 150 орындық Boeing 757 ұшағымен өз сапарын жасауға мүмкіндігі бар. Ұшақ Алматыдан сағат 01.35-те ұшып шығып, Гонконгқа сағат 09.45-те (жергілікті уақыт) қонады. Ал Гонконгтан сағат 22.15-те көкке көтеріліп, Алматыға таңғы сағат 03.25-те қонады. Ұшу ұзақтығы Алматыдан Гонконгқа - 6 сағат 10 минут болса, Гонконгтан Алматыға 7 сағат 10 минутты құрайды.
Жалпы Қазақстан тұрғындары Гонконгқа 14 күнге дейін визасыз бара алады. Гонконгқа саяхаттайтын жолаушылар серіктес әуекомпаниялар арқылы Макао, Манила, Гуанчжоу және Оңтүстік Шығыс Азияның басқа қалаларына ыңғайлы түйісу рейстерімен жете алады. Мұнда ТМД елдерінен ұшатын жолаушыларға да ыңғайлы түйісулер қарастырылған. Алматыдан Гонконгқа барып-қайтудың ең төменгі бағасы авиабилет пен өзге де алымдарды қосқанда эконом-класта - 83 225 теңгені, ал бизнес-класта 338 227 теңгені құрайды.