АСТАНА. KAZINFORM — Қазақстандық дзюдошы Фатима Сұпығалиева Сенегалдың Дакар қаласында өтіп жатқан жасөспірімдер Олимпиадасындағы алғашқы белдесуін сәтті өткізді. Бұл туралы Olympic.kz хабарлады.
Отандасымыз ширек финалда Коста-Рика өкілі Химена Моралес Гамбоаны жеңіп, жартылай финалға жолдама алды.
Фатима қарсыласын иппонмен мерзімінен бұрын жеңді.
Енді 52 келіге дейінгі салмақ дәрежесінің финалына шығу үшін қазақстандық дзюдошы словакиялық Вивьен Вадовицовамен белдеседі.
Еске салайық, мұның алдында Сенегалдың Дакар қаласында өтетін IV жазғы жасөспірімдер Олимпиадасының ашылу салтанатында Қазақстан құрамасының туын дзюдошы Фатима Сұпығалиева мен волейболшы Әлихан Ағабек ұстап шығатынын жазған едік.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.