НҰР-СҰЛТАН. ҚазАқпарат – Кортрейкте 7-8 ақпан күндері өтетін Федерация кубогы іріктеу кезеңіндегі Қазақстан – Бельгия матчының жеребесі тартылды, деп хабарлайды ҚазАқпарат тілшісі.
Ұлттық олимпиада комитеті мәлім еткеніндей, алғашқы күні Зарина Дияс Элизе Мертенспен ойнайды.
З.Дияс әлемдік рейтингте 63-орында тұрса, Бельгияның бірінші ракеткасы Э.Мертенс 19-сатыда тұр.
Әлемнің 34-ракеткасы Юлия Путинцева рейтингте 115-орында тұрған Исалин Бонавантюрмен сынға түседі.
8 ақпанда қарсыластар алмасады.
Жұптық сында Ярослава Шведова мен Анна Данилина Кирстен Флипкенс пен Гретье Минненмен кортқа шығады.
Матч жеңімпазы Будапешт қаласында сәуір айында жаңа форматта өтетін финалдық сайысқа жолдама алады.
Еске сала кетейік, бұдан бұрын Федерация кубогының іріктеу матчында Қазақстан мен Бельгия құрамалары кездесетінін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).