АСТАНА. ҚазАқпарат - «Федоров блогы» қазақстандық мұнай кен орнында өнеркәсіптік өндіру 2017 жылы басталады. Бұл туралы бүгін Астанада өткен баспасөз мәслихатында «ҚазМұнайГаз» Барлау Өндіру» АҚ бас директоры Абат Нұрсейітов мәлім етті.
«Федоров блогы» - соңғы бес жылда анықталған перспективасы жоғары кен орны. 2017 жылы біз оны өнеркәсіптік өндіруге енгізбекпіз», - деді ол.
А. Нұрсейітовтің сөзіне қарағанда, қазіргі кезде 2013 жылдағы қор бойынша есептің алдын ала нұсқасы тапсырылды. «Өткен кезеңге қарағанда көрсеткіштерде біршама айырмашылық бар. Біз оны жақын арада жариялайтын боламыз», - деді ол.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.