АСТАНА. ҚазАқпарат - Мамандар Facebook Messenger-де қолданушыларды зиянды бағдарламалық жасақтаманы орнатуға мәжбүрлейтін қауіпті вирус тарағандығын анықтады. Бұл туралы Касперский зертханасы хабарлайды.
Қаскүнемдер желі қолданушыларының тіркелімдерін бұзып, достарына сілтеме жібереді. Сілтемеге кірген қолданушы видеосы бар парақшаға тап болады. Содан кейін браузерге байланысты жасанды сайтқа өтеді. Windows-тегі Mozilla Firefox пайдаланушыларына Flash Player деп аталатын зиянды файлды көшіруді ұсынады.
Қауіпті вирус Linux және MacOS операциялық жүйелерінде де таралып жатыр.
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.