АСТАНА. ҚазАқпарат - Шахматтан ФИДЕ (WGP) әйелдер арасындағы Гран-при жарысының бірінші кезеңі сегізінші турында қазақстандық Бибісара Асаубаева мен Жансая Әбдімәлік кезекті ойынын өткізді, деп хабарлайды ҚазАқпарат тілшісі.
Астанада өтіп жатқан жарыста Бибісара Асаубаева қытайлық Тань Чжунъиге есе жіберді.
Ал Жансая Әбдімәлік үндістандық Рамешбабу Вайшалимен тең ойнады.
Бүгінге дейінгі нәтиже бойынша Бибісара мен Жансая бірдей көрсеткішке ие. Екеуінің де еншісінде 1 жеңіс, 5 тең ойын және 2 жеңіліс бар.
Жанса тең ойыннан кейін сегізінші орыннан жетіншіге көтерілді. Ал Бибісара жетіншіден оныншы орынға сырғыды.
Енді Бибісара 27 қыркүйекте германиялық Динара Вагнермен шеберлік байқасса, Жансая ресейлік Александра Горячкинамен кездеседі.
Еске салсақ, бұдан бұрын қазақстандық қос шахматшының жетінші турдағы ойын нәтижесін хабарлаған едік.
Фото: fide.com
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.