Сенбі, тамыздың 7-сі күні басталған Куба Халық билігі ұлттық ассамблеясының мәжілісінде сөйлеген сөзін 83 жастағы Кастро халықаралық күнтәртібіндегі өзекті мәселелерге арнап, Иран төңірегіндегі мәселеге ерекше тоқталды. Бұл туралы ИТАР-ТАСС агенттігі хабарлады.
Ұзақ уақыт үзілістен кейін бұқаралық шараларға араласа бастаған команданте, ядролық қару қолданылатын дүниежүзілік соғысқа ұласуы ықтимал адамзатқа төнген қауіп-қатер туралы ескертуден жалығар емес. Өткен сенбі күні баспасөз бетінде жарияланған кезекті мақаласында Кастро, Куба халқының атынан Барак Обамаға үндеу тастап, оны ядролық соғыстың тұтануына жол бермеуге шақырған болатын.