НҰР-СҰЛТАН. ҚазАқпарат - FIFA футболдан ұлттық құрамалар арасындағы жаңа рейтингті жариялады, деп хабарлайды ҚазАқпарат тілшісі.
Алайда, өткен айдағы рейтингтен аса өзгеріс болмаған. Себебі, коронавирус инфекциясына байланысты әлемнің барлық құрамалары ешқандай ойын өткізген жоқ. Халықаралық деңгейдегі кездесудің барлығы кейінге шегерілді. Кейбірі мүлдем өткізілмейтін болып шешілді.
Қазір Қазақстан құрамасы 118-орында тұр. Тізімнің көш басында Бельгия, Франция, Бразилия құрамалары келеді.
Қазақстандық құрама 2020 жылдың 3 қыркүйегі мен 17 қарашасы аралығында UEFA Ұлттар лигасының С дивизионында төртінші топта Албания, Беларусь және Литва құрамаларымен кездесу өткізеді. FIFA рейтингісінде Албания - 66, Беларусь - 87, Литва – 131-орында.
Естеріңізге сала кетелік, футболдан бірінші лиганың ойын күнтізбесі белгілі болғанын хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.