Филиппин Жоғарғы соты Сара Дутертеге импичмент жариялауға тыйым салды
АСТАНА. KAZINFORM — Филиппин Жоғарғы соты жұма күні вице-президент Сара Дутертеге қатысты импичмент процедурасын өткізуге тыйым салғанын мәлімдеді, деп хабарлайды Синьхуа.
Жоғарғы соттың өкілі Камилла Тингтің айтуынша, сот Өкілдер палатасының вице-президентке қарсы импичмент бастау туралы өтінішін бір жыл ішінде қарауға болмайды деп шешкен және импичмент процесінің барлық кезеңінде құқықтық рәсімдер мен әділеттілік қағидалары сақталуы тиіс екенін атап өтті.
Оның айтуынша, Жоғарғы сот импичментке қатысты баптарды құқықтық рәсімдердің бұзылуына байланысты Конституцияға қайшы деп таныған. Осы себепті Сенаттың бұл іске қатысты құзырет алуына жол берілмейді.
— Бұл шешім вице-президент Сара Дутертені оған тағылған кез келген айыптан босатады дегенді білдірмейді. Алайда жаңа импичмент туралы өтініш тек 2026 жылдың 6 ақпанынан бастап ғана беріле алады, — деді Камилла Тинг.
Бұған дейін хабарланғандай, Гаагадағы Халықаралық қылмыстық сот Филиппиннің бұрынғы президенті Родриго Дутертені оның билігі кезінде жүргізілген қатыгез есірткіге қарсы рейдтер үшін адамзатқа қарсы қылмыс жасады деген айыппен қамауға алды.