Филиппинде кепілдікте қаза тапқандар бойынша Гонконгте қаралы күн жарияланды

АСТАНА. Тамыздың 24-і. ҚазАқпарат - Гонконг аза тұтуда. Бүгін Филиппинде қаза тапқан туристер бойынша елде қаралы күн жарияланды.. Филиппиндік арнайы қызмет жүргізген кепілдегілерді босату жөніндегі операция қорытындысында 8 адам мерт болды, тағы 7 адам ауруханаға жатқызылды, деп хабарлайды Вести.Ру.

Жақындары қаза болған және зардап шеккен отбасылар үшін Манилаға арнайы көлік қатынасы ұйымдастырылды. Провинция билігі оларға қолдан келген көмектің барлығын жасауда.

Гонконг өз азаматтарына Филиппинге туристік сапарға барудан бас тартуға шақыруда. Маниладағы қасіретті Қытай СІМ-і де қатты сынға алды. Ведомство елдегі Қытай азаматтарының қауіпсіздігін қамтамасыз етуді талап етуде. Құтқару операциясының сәтсіз орындалғанын тірі қалған кепілдер де растап жатыр.

Оқиға былай өрбіген еді. Гонконгтан шыққан туристік автобусты 55 жастағы бұрынғы филиппин полицейі Роландо Мендос басып алған. Мендостың туған бауыры жүргізіп отырған келіссөздер бірнеше сағатқа созылды. Бірақ, одан еш нәтиже болмады. Қараңғы түскенде шабуыл жасау туралы шешім қабылданды. Алғашқы әрекетке Мендос тойтарыс беріп, автобус ішінде атыс басталды. Екінші рет жасалған шабуыл барысында қылмыскер оққа ұшты, сегіз адам қаза болып, тағы да жетеуі ауруханаға жеткізілді.