М.Пакьяо мен американдық Тимоти Брэдли арасындағы шаршы алаңдағы кездесу сенбі күні Лас-Вегаста өткен болатын. 12 раундқа созылған жекпе-жектің нәтижесінде төрешілер бірауыздан жеңісті филиппиндік боксшыға берді.
Айта кетерлігі, Пакьяо мен Брэдли шаршы алаңда осымен екінші мәрте жұдырықтасты. 2012 жылдың 9 маусымында өткен кездесуде төрешілер екіге жарылып, дегенмен жеңіс американдықтың еншісіне жазылған еді.
35 жастағы филиппиндік шаршы алаңда 56 рет жеңіске жетіп (38 нокаут), 5 мәрте жеңілістің ащы дәмін татса, екі кездесуін тең аяқтаған. Ал Брэдли осымен 32-ші рет жекпе-жек өткізіп, алғаш рет қарсыласына есе жіберіп отыр.